Beskrywing

@ Echeveria is in die hartjie van Montagu geleë en is loopafstand van verskeie winkels, uitstekende restaurante en al die geriewe. Die eenheid is in 'n rustige omgewing geleë en spog met onderdakparkeerplek en laserstraal-sekuriteit.

Dié privaat kothuis is op die eienaar se perseel geleë en beskik oor 1 slaapkamer met slaapplek vir 2 gaste. Die eenheid het sy eie ingang en is heeltemal privaat.

Daar is 'n stoep met 'n uitsig op die berge waar gaste 'n oggendkoffie en voëlgesang kan geniet. Daar is ook 'n Weber-braai.

Die slaapkamer het 'n dubbelbed en 'n en suite-badkamer met 'n stort, toilet en wasbak. Daar is 'n aparte eetarea en 'n kombuisie met geriewe soos 'n mikrogolfoond, yskassie, koffie- en teemaakgeriewe, breekware en eetgerei. Die kamer het ook 'n TV met sekere DStv-kanale en WiFi.

Die eenheid is ook 'n perfekte keuse vir sakereisigers en vakansiegangers wat op soek is na 'n gemaklike, bekostigbare en rustige plek om in die stad of in die omgewing te bly.