+31

22 Bronze Bay

23 resensies

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 52 Lagoon Drive, 22 Bronze Bay, Umhlanga, 4320, KwaZulu-Natal
Vanaf R1 850 per nag (plek vir 4)

Beskrywing

22 Bronze Bay is 'n lieflike selfsorgwoonstel met direkte toegang tot die strand vir 4 gaste in die Bronze Bay-kompleks in Umhlanga.

Die woonstel is op die vyfde verdieping geleë, het lugversorging en lei na 'n balkon met 'n lieflike uitsig oor die see. Die woonstel beskik oor 2 slaapkamers, 2 badkamers, 'n kombuis en 'n sitarea.

Die hoofslaapkamer het 'n koningingrootte-bed, 'n en suite-badkamer met 'n stort, bad en 'n toilet, en dit lei na die balkon. Die tweede slaapkamer het 'n tripelstapelbed waarvan die onderste bed 'n dubbelbed is. Dié slaapkamer maak van 'n aparte badkamer met 'n stort en toilet gebruik. Daar is geen wasmasjien of tuimeldroër nie. Gehalte-linne en badhanddoeke word voorsien, maar gaste moet hulle eie strandhanddoeke saambring.

Die oopplan-kombuis is ten volle toegerus met 'n induksiestoof, oond, mikrogolfoond, yskas-vrieskas, eetgerei, breekware en koffie- en teemaakgeriewe.

Gaste kan hulle maaltye by die etenstafel geniet, of in die sitarea voor die TV ontspan. Daar is sekere DStv-kanale, 'n Explora-dekodeerder met PVR-geriewe, WiFi en toegang tot die balkon met 'n uitsig oor die see.

Daar is 'n kragomskakelaar wat sommige noodgeriewe sal laat werk gedurende beurtkrag.

Veilige parkeerplek vir 'n klein voertuig is in 'n toesluitmotorhuis beskikbaar en ekstra parkeerplek is onderhewig aan beskikbaarheid. Let asb. dat groter voertuie nie sal pas nie. Parkeerplek vir sleepwaens is nie beskikbaar nie en troeteldiere word ongelukkig nie toegelaat nie. Daar is drie stelle trappe van die motorhuis af en daar is geen hysbak nie.

Bespreek