Beskrywing

23 The Beacon is 'n lieflike selfsorg-vakansiewoonstel in 'n veilige kompleks in die hartjie van Shaka's Rock. Dit is ideaal vir 'n wegbreek by die strand, aangesien hierdie woonstel 'n pragtige see-uitsig bied.

Dié woonstel is op die grondverdieping en bied slaapplek aan 4 gaste en beskik oor 2 slaapkamers en 2 badkamers. Die hoofslaapkamer het 'n koninggrootte-bed en die tweede slaapkamer het 2 enkelbeddens. Die badkamers het 'n stort, wasbak en toilet. Alle linne word voorsien, maar gaste moet hulle eie handdoeke saam te bring.

Die leefarea beskik oor 'n stylvolle kombuis wat met 'n stoof, oond, mikrogolf, yskas-vrieskas, eetgerei en breekware, asook 'n koffiemasjien toegerus is. Die sitarea het gemaklike sitplek en 'n TV met DStv. Gratis WiFi is beskikbaar. Daar is ook 'n etenstafel waar gaste hul maaltye saam kan geniet.

Verder is daar 'n sonkamer met 'n stoep met sitplek en 'n Weber-braai wat die ideale plek is vir 'n skemerkelkie terwyl gaste die uitsig bewonder. Gaste het ook toegang tot 'n gemeenskaplike swembadarea met braaigeriewe.