Beskrywing

6 Parsonage Street - De Kothuize is 'n klassieke, gerestoureerde Karoo-kothuisie in Graaff-Reinet se historiese Parsonagestraat. Die kothuis skep 'n egte atmosfeer van eertydse Graaff-Reinet en is ideaal geleë indien gaste die museums en ander besienswaardighede wil gaan besoek. Daar is verskeie goeie restaurante binne stapafstand van die kothuis af.

Die kothuis het 2 dubbelkamers, elkeen met 'n en suite-badkamer, een met 'n groot antieke bad en stort en die ander een met 'n stort.

Die kombuis is volledig toegerus en skakel aan die eetkamer, daar is ook 'n aparte sitkamer. Die kothuis het pragtige klassieke antieke meubels en prente. Daar is 'n bekoorlike swembadarea buite en 'n stoep en vermaaklikheidarea met tafels en stoele.