Beskrywing

Acacia House Executive Suite bied verblyf vir 'n enkelsakereisiger of 'n paartjie. Die akkommodasie is met behulp van die Gautrein-busdiens lekker naby die Marlboro Gautreinstasie geleë en dit bied uitstekende toegang met die hoofweg tot Pretoria, Johannesburg en OR Tambo Lughawe. Acacia House Executive Suite is in die rustige voorstad met toegangsbeheer, Kelvin, geleë. Dis 'n veilige area naby Sandton en ons bied ook vriendelike, professionele diens.

Die privaat ingang van Acacia House lei na 'n ruim sitkamer en kombuis. Geriewe in die kombuis sluit 'n ontbyttoonbank, mikrogolfoond, yskas en vrieskas in. Daar is 'n kaggel en 'n TV met DStv in die sitkamer en die slaapkamer lei uit die vertrek uit. Die slaapkamer beskik oor 'n koninggrootte-bed, 'n kantoorarea en 'n en suite-badkamer met 'n bad en 'n stort.

Die patio kyk uit oor 'n rotsswembad en daar is 'n Weber, so dis die perfekte plek om te ontspan of te kuier saam met vennote. Kantoorgeriewe by Acacia sluit WiFi en drukkergeriewe in.

Die unieke kenmerk van Acacia House Executive Suite is dat jy, ons gas, absolute eksklusiwiteit geniet. Of jy nou alleen of as 'n paartjie by Acacia House tuisgaan, jy is die enigste gas. Ontbyt wanneer jy dit wil hê en jy sal die suite en perseel vir jouself hê.