+51

Adventure Bush House II

9 resensies

Selfsorg

Kapasiteit: 13 persone
Alle ouderdomme is welkom
Inkloktyd: 15:00 tot 23:00
Uitkloktyd: 10:00
Adres: 1266 Volstruis Road, Marloth Park, 0174, Mpumalanga
Vanaf R2 100 per nag (plek vir 13)

Beskrywing

Adventure Bush House II is 'n ruim vakansiehuis in die gewilde Marloth Park en is 'n ideale opsie vir 'n gesinsvakansie aangesien dit nie net 'n entjie van die Krugerwildtuin af is nie, maar ook 'n privaat sprankelende plonspoel op die perseel het.

Die stoof, warm water, TV, verskeie ligbronne, internet en sekuriteitstelsel is ten volle in werking tydens beurtkrag.

Dié dubbelverdieping-eiendom kan tot 10 gaste op 'n slag akkommodeer en beskik oor 5 slaapkamers en 4 badkamers asook 'n gastetoilet. Al 5 slaapkamers het lugversorging en ingerig met 'n koningingrootte-bed. Slegs 4 van hierdie kamers beskik oor 'n en suite-badkamer met óf 'n stort óf 'n bad en 'n stort. Alle linne en badhanddoeke word voorsien; gaste moet egter hul eie swemhanddoeke saambring.

Die oopplan-leefarea met lugversorging beslaan die grondvlak en beskik oor 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, koffiemasjien, eetgerei en breekware asook 'n ontbyttoonbank met stoele. 'n Skottelgoedwasser, wasmasjien, tuimeldroër en ekstra vrieskas is in die aparte opwaskamer beskikbaar. Van die kombuis af lei 'n etenstafel met oorgenoeg sitplek vir gaste om hul maaltye saam te geniet.

Daar is 'n gesellige sitarea op die boonste verdieping wat ekstra eetplek sowel as 'n TV insluit. Toegang tot gratis WiFi is beskikbaar. Hierdie leefarea maak oop op 'n lieflike patio met braaigeriewe en buitesitplek waar gaste ten volle kan ontspan en die omliggende bosveld-uitsigte kan bewonder.

Bespreek