+20

Aloe View Rock Lodge

Lodge

Kapasiteit: 10 persone
Geen kinders onder 12
Inkloktyd: 14:00 tot 17:00
Uitkloktyd: 10:00
Adres: Lot H90, Sumerset Farm, Hluhluwe, 3960, KwaZulu-Natal
Vanaf R1 826 per nag, vir 2 mense

Beskrywing

Aloe View Rock Lodge is op 'n privaat wildsplaas naby die Lebombo-bergreeks in Hluhluwe in KwaZulu-Natal geleë. Die lodge is ideaal vir gaste wat op soek is na gerieflike verblyf met lieflike uitsigte, weg van die gewoel van die stadslewe.

Verblyf by Aloe View Rock Lodge beskik oor 5 slaapkamers. Die hele lodge kan as 'n geheel uitgeboek word vir 'n groep wat saam reis. Hierdie 5 slaapkamers is smaakvol versier, toegerus met óf 'n koningingrootte-bed óf 2 enkelbeddens, en 'n en suite-badkamer met 'n stort, wasbak en toilet. Fasiliteite wat by al die kamers ingesluit is, is lugversorging; komplimentêre seep; haardroërs asook tee- en koffiemaakgeriewe.

'n Heerlike ontbyt word in die eetkamer bedien, en ander smullekker maaltye kan op versoek gereël word. Die lodge bied ook gemeenskaplike braai-areas; 'n swembad; 'n gastesitkamer met 'n pooltafel om van gebruik te maak, asook 'n kroeg waar skemerkelkies geniet kan word.

Vir die avontuurlustiges kan 'n verskeidenheid aktiwiteite gereël word, soos begeleide staptogte; wildritte in die reservaat; krokodil- en slangvertonings; olifant interaksie; bootvaarte op die St Lucia-meer en nog baie meer. Dierespesies soos Nyala, Rooibok, Vlakvark, rooi en grys duiker, luiperd, hiëna, krokodil en seekoei kan ook op die plaas gesien word.

Bespreek