Voortreflik. Daar is glad nie genoeg goeie dinge wat ek kan sê van die plekkie nie. Gerieflik, baie mooi, alles wat nodig is. Lola is 'n uitsonderlike gasvrou. As jy ooit in Worcester blyplek soek, moet nie verder soek nie.

Tuiste weg van jou huis. Absoluut 'n tuiste weg van jou tuiste.

Uitstekend. Kan At Leisure met vrymoedigheid aanbeveel. Gasheer en gasvrou was vriendelik en akkommoderend. Die eenheid is baie goed toegerus en silwerskoon. Dit was 'n puik keuse om daar oor te bly.

Uitstekend! Sal enige tyd weer daar oorslaap! Het net geslaap, alles was uitstekend en geriewe op hoë standaard. Het ook ontbyt verniet gekry. Baie vriendelike gashere!

Het lekker ontspan en goed uitgerus na 'n lang dag agter die motor se stuur. Het dit absoluut geniet. Die plek is baie mooi versorg en ruim en in 'n mooi en stil woonbuurt geleë. Ek hou van die veilige parkering binne sig vanuit die woonstel. Die gasvrou was baie vriendelik en behulpsaam en laat mens regtig tuis voel. Baie dankie, ek sien uit daarna om weer daar oor te slaap indien daar weer so 'n geleentheid is.

Die plek is baie netjies en die eienaar was baie vriendelik. Ons het baie lekker gebly. Veilige en stil area. Sal enigeen aanbeveel om At Leisure te kies as verblyf.

Onvergeetlik lekker. Al was my booking vir een aand, was dit die moeite werd. Die rustigheid en vrede daar was ongelooflik. Ek het dadelik welkom gevoel en was boonop gefassineerd deur die gasvrou wat so mooi seker gemaak het ek is gemaklik en warm. Sal beslis hierdie plek aanbeveel asook weer daar wil oorslaap. Dit was goed!

Awesome. Baie aangename gasvrou en verblyf. Baie netjies, skoon en veilig. Sal beslis in die toekoms weer daar oorbly. Word beslis vir toekomstige reisigers aanbeveel.

Veilig, luuks en awesome gasvrou. At Leisure is 'n pragtige en keurig gemubileerde selfsorgeenheid wat baie gou vanaf die N1 bereik kan word. Dit is geleë in 'n baie stil, veilige en rustige omgewing. Die gasvrou was vandat ek die bespreking gemaak het baie behulpsaam en betrokke en ons gereeld op hoogte gehou. At Leisure is beslis 'n juweel wat veiligheid, ligging, gemak en waarde vir geld bied.

Rustige omgewing, stil en privaat. Het heerlik gebly! Die akkommodasie was wonderlik - netjies, skoon en modern met al die geriewe wat mens sou nodig kry. Die gasvrou was baie vriendelik en behulpsaam en ek sal beslis weer daar gaan bly. Daar was tot 'n 'honesty basket' (ek noem dit 'n versoekings-mandjie) met lekkernye wat mens kon koop, so was nie eers nodig om winkel toe te gaan nie.