+28

Baviaanshoek

11 resensies

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 23:00
Uitkloktyd: 09:00
Adres: 34 Milkwood Glen, Keurboomstrand, Plettenberg Bay, 6600, Wes-Kaap
Vanaf R2 300 per nag (plek vir 8)

Beskrywing

Baviaanshoek is 'n selfsorgvakansiehuis op Plettenbergbaai se Keurboomstrand in die Milkwood Glen-woonbuurt, omring deur fynbos-plantegroei en ongerepte natuur. Dit is net 2 minute se stap, oor die duine, tot waar 'n mens uitsigte oor die Indiese Oseaan en kilometers se ongerepte sandstrand kan geniet.

Die vakansiehuis is smaakvol versier in 'n shabby-chic-styl om daardie huislike gevoel te bewerkstellig. Dit kan tot 8 gaste akkommodeer en beskik oor 4 ruim slaapkamers en 3 badkamers. Die eerste en tweede slaapkamer het koninggrootte-beddens, terwyl die derde en vierde slaapkamer elk 'n koningingrootte-bed het. Buiten 3 badkamers het gaste ook toegang tot 3 addisionele buitestorte.

Die kombuis is in die hartjie van die leefarea geleë en is toegerus met 'n oond, skottelgoedwasser, was-droër, ketel, broodrooster en 'n menger. Gaste kan ontspan op die gemaklike banke voor die kaggel, buite in die tuin terwyl hulle die voëls dophou, of in die biblioteek met 'n boek. Die sitarea is ook toegerus met 'n TV met sekere DStv-kanale en 'n DVD-speler met SAT stereo-inprop vir 'n iPhone. Gratis WiFi-internettoegang is ook beskikbaar. Gaste het toegang tot 'n voor- en agterstoep, 'n braai-area met 'n Weber-braai, 'n motorafdak en 'n gemeenskaplike swembad.

Die huis bied maklike toegang tot Plettenbergbaai met sy restaurante en winkels. Daar is 'n verskeidenheid besienswaardighede in die omliggende area wat gaste kan geniet soos Plettenbergbaai Wildreservaat, Nature's Valley en Tsitsikamma Nasionale Park. Doendinge in die omliggende area sluit swem, fietsry, voetslaan en kajak in.

Bespreek