Berghoff Disa Cottage

Beskrywing

Berghoff Disa Cottage is 'n selfsorg-eenheid op 'n pragtige Protea-plaas in die Olifantsrivierberge, 28 km vanaf Porterville in die Wes-Kaap. Dit is ideaal vir gaste wat wil wegbreek van die besige stadslewe.

Dié kothuis bied slaapplek aan 12 gaste en beskik oor 3 slaapkamers, 1 badkamer en 'n gastetoilet. Elke slaapkamer het 'n dubbelbed, sowel as 'n enkelbed, terwyl een van die slaapkamers 'n ekstra enkelbed het. Die gedeelde badkamer het 'n stort-oor-bad. Linne word voorsien, maar gaste moet hul eie handdoeke saambring.

Die kombuis is met 'n stoof, oond, yskas, broodrooster, ketel, mikrogolfoond en kisvrieskas toegerus. Gaste kan 'n maaltyd by die toonbank met stoele geniet. Die sitarea het 'n gemaklike rusbank, 'n dubbelslaapbank en 'n kaggel. Gratis WiFi is ook beskikbaar.

Buite is daar 'n stoep met 'n ingeboude braai en sitplek. Parkeerplek is op die perseel beskikbaar. Gaste kan ook aktiwiteite, soos bergfietsry deur die protea-plantasies of stap na 'n pragtige waterval geniet. Die plaas bied uitsigte oor die Olifantsrivier en op die Kouebokkeveldberge.