+30

Blakes Terrace 1103

6 resensies

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 45 Beach Road, Van Ryneveld, Strand, 7140, Wes-Kaap
Vanaf R2 500 per nag (plek vir 6)

Beskrywing

Blakes Terrace 1103 is 'n moderne selfsorgwoonstel vir 6 mense op die strandfront in Van Ryneveld, Strand.

Die dakwoonstel is op die 11de verdieping geleë met 'n ononderbroke uitsig oor Valsbaai. Die ruim woonstel bestaan uit 3 slaapkamers, 2 badkamers, 'n kombuis, 'n eetarea en 'n sitkamer wat na die balkon oopmaak.

Die hoofslaapkamer maak oop na die balkon en is ingerig met 'n koninggrootte bed en 'n en suite-badkamer met 'n bad en 'n stort. Die ander 2 slaapkamers het elk 'n dubbelbed en kyk uit oor die Helderberg. Die 2 slaapkamers deel die gebruik van 'n badkamer met 'n bad en 'n stort. Vir gerief word linne en badhanddoeke voorsien.

Die moderne kombuis is toegerus met 'n mikrogolfoond, 'n stoof en oond, 'n yskas, sowel as tee- en koffiemaakgeriewe. Die eetarea is ingerig met 'n eetkamertafel met sitplek vir 6. Gaste kan ontspan in die sitkamer, wat toegerus is met 'n slim-TV, en WiFi is beskikbaar. Die leefarea lei na die balkon, wat gemeubileer is met 'n eetkamertafel, met uitsig oor die see.

Die kompleks bied 'n gemeenskaplike swembad en braaigeriewe vir gaste om te gebruik. Veilige onderdakparkering word voorsien, en die woonstel is toegerus met 'n noodkragstelsel in geval van beurtkrag.

Blakes Terrace is 'n stil plek, en daarom word geen partytjies of troeteldiere toegelaat nie.

Die strand bied branderplankry, visvang, swem, sonsondergangvaarte en walviskyk in die seisoen, en die omgewing bied stap-, wandel- en fietsroetes. Die Strand bied verskeie restaurante, kafees en kroeë, sowel as besienswaardighede soos die Strand Waterworld & Fun Park, 'n putt-putt-baan, en gaste kan die Helderberg Wynroete verken.

Bespreek