Rustig. Asemrowend. Vreedsaam. Ek en my verloofde het 2 nagte gebly vir ons verjaarsdagnaweek. Ons was baie gelukkig en tevrede met aankoms. Die natuurskoon was magies. Ons het lekker gebraai, op die hangmat ontspan, koffie geniet op die buitestoep, die borrelbad geniet, 'n entjie gaan stap en flieks gekyk. Die donkies het ons kom besoek, en hulle was vriendelik en speels, net 'n jammerte dat ons nie wortels gehad het om vir hulle te voer nie. Ons wou steeds die staproete gedoen het, maar het so 'n ontspannende naweek gehad dat ons net nie die tyd gehad het nie. Die enigste ongerief wat ons gehad het, was dat die rook van die borrelbad en vuurput die huis binnegegaan het. Andersons sal ons beslis terug wees saam met ons families.

Pragtige, gerieflike selfsorg eenheid op plaas met die mooiste uitsig. Ons het 3 nagte in hierdie pragtige gerieflike eenheid gebly. Ons het baie vriendelike diens van die gasheer en gasvrou ontvang. Kommunikasie was goed en ek het 'n WhatsApp ontvang met al die inligting en padaanwysings. Ons eenheid was baie gerieflik en mooi skoon. Die gasvrou het regtig aan alles gedink en voorsien om jou verblyf super gemaklik te maak. Die binnebraai was heerlik vir die koue aande en die eenheid was lekker warm en cosy. Daar was 'n TV met goeie opvangs met DStv. Die Wi-Fi was nie baie sterk nie, maar in 'n geval van nood kon jy 'n WhatsApp stuur. Ons het 200 stukkies hout bestel teen R300, dit was reeds afgelewer met aankoms. Daar is 'n muurverwarmer in die kamer asook 'n fan. Wat lekker was, was dat daar 'n plug by die spieel was en jy maklik jou hare kon droogmaak. Dankie vir die vol lengte spieel, dit is iets wat 'n mens selde kry. Die badkamer het 'n groot stort gehad en daar was handseep by die wasbak met ekstra handdoeke. Net jammer die vorige gas het met die gasinstrument gepeuter en verstellings gemaak, wat veroorsaak het dat ons nie lekker kon stort en skottelgoed was nie vir die eerste 2 dae nie, die water was vuurwarm en sodra jy die koue waterkraan oopdraai, het jy geen warm water gehad nie. Gelukkig het ons dit aan genoem en hy het die verstelling verander en ons kon die 3de dag lekker stort. Hy het ons geneem na die piekniekarea en ook vir ons gesê om met die berg op te gaan. Ek is bly ons het dit gedoen, dis 'n pragtige pad deur die bome en jy word beloon met 'n pragtige uitsig as jy bo op die berg kom. Daar is so baie mooi plekke in die omgewing om heen te ry, ons was na Malgas waar ons met die pont oor die Breede rivier geneem is. Die natuur en berge om jou was regtig asemrowend. Ons het dit geniet om die donkies apples te voer, hulle is so mak en geniet die aandag en bederf. Ons het nie ons warmbad gebruik nie, maar ons sal definitief weer na Bonfrutti se Druiwetros teruggaan, ons het die verblyf baie geniet en kan hulle aanbeveel vir uitstekende verblyf met 'n pragtige view oor die berge en dam. En jy moet die Bonfrutti padstal besoek en die roosterkoek eet. Dankie vir julle vriendelike diens.

Love open places in SA. Loved the cottage comfort with hot tub. Wonderful views of the mountain and enjoyed the poplar forest.

Skoonheid, natuur en stilte - beste plek om te ontspan. Dit was een van die lekkerste plekke waar ons al tuis gegaan het, skoon, netjies en alles wat jy nodig het net om so bietjie van die stad se lawaai af weg te kom!

Wonderlik, alles was mooi skoon, die warm bad is lekker groot. Tog te lekker gekuier, baie rustig en lekker gestap op die plaas. Was bitter koud saans en kon net nie lekker met die braai die huisie warm maak nie oor dit so opgerook het, so deur moes oop bly.

Ons kon ons batterye herlaai, tyd het stilgestaan, die uitsig is asemrowend. Ek wil net baie dankie sê aan Elmarie - so goed ontvang deur haar. Die huisie is pragtig binne en keurig gemeubileerd. Die binnebraai en houtvuurbad was absoluut 'n bonus. Die 4x4 roetes is ook 'n moet. Ons het heerlik uitgerus. Ons Yorkie was saam en sy het dit terdege geniet, dit is regtig vir ons goed dat hulle dierevriendelik is (indien vooraf gereël). Besoek ook gerus die padstal vir heerlike etes - Bonfrutti.