Pragtige natuur en sterrehemel. Rus vir die siel. Ons het lekker gebly, maar daar was 'n paar kriewelinge: Die sonkragpanele is wonderlik, maar het begin skreeu vroeg die Vrydagaand en bietjie later die Saterdagaand. Die mees irriterendste waarskuwing geluid elke uur tot die volgende oggend. Ek vermoed die batterye moet vervang word, want ons het die ligte minimaal gebruik, so dit los net die yskas wat krag getrek het.

Dapper Stapper! Die asemrowende uitsig vanaf die stoep, die pragtige staproetes en die feit dat ek my dierevriende kon saamvat, het alles die moeite werd gemaak. Ongelukkig het ons die hele naweek gesukkel met kragprobleme en het ook 2 aande nie warm water gehad nie. Sal ek dit aanbeveel? Beslis! Neem net genoeg kerse of olielampies saam en staal jou vir 'n koue stort.

Pragtige omgewing en rustigheid, maar teleurgesteld in die kothuis. Goeie ligging, pragtige omgewing. Die kothuis het baie potensiaal, maar is swak onderhou en het baie aandag nodig. Definitief nie R1,390 per nag werd nie. Sonkragstelsel was problematies. Ons het 'n dag vroeër vertrek as wat bespreek was. Stoep se plafon/dak deurtrek van vlermuise, dus konstante mis op die stoep. Res van die wildelewe was besonders om te ervaar.

Mooiste natuur en stilte. Die enigste probleem was die 10h00 uitgaan, so my vrou kon dit ongelukkig nie beleef nie, want sou dan moes sit en wag vir 5 ure op 'n ander plek.

Godgelooflike ervaring om so naby aan jou Skepper se skepping te kon wees. Weens onvoorsiene omstandighede buite ons beheer (stormweer) moes ons noodgedwonge vinnig oppak Sondagaand. Daar is geen selfoonopvangs en dit het onophoudelik gereën, so ons het binne 'n uur klaar gepak en 7 uur Sondagaand teruggery Kaap toe. Ons het net betyds teruggekom, anders was ons ook van die mense wat vasgevang was met die oorstromings. Ons beveel die verblyf met die grootste vrymoedigheid aan as jy wil "connect" met God en Sy skepping. Hier kan jy vir seker weer herlaai. Jy het die nodige geriewe om te doen wat jy tuis ook kon doen as dit by etes kom. Alles is daar. Jy mis nie eens jou luuksighede van jou huis nie. Daar is 'n heerlike kaggel asook 'n gasverwarmer. In die somer is daar baie meer aktiwiteite om aan deel te neem, soos fietsry en die staproetes doen, asook die voëls bewonder, en die pragtige plantegroei.

Solitude. Quietness. Setting is unbelievable. An excellent 3-night break away to read and do nothing. There was a massive storm and the rain on the roof and passing river sounded amazing. Highly recommended.

Buitenstekloof Mountain Cottages het ons wildste verwagtinge oortref! In die 2 dae wat ons hier was, het dit gevoel asof ons vir 'n week lank op vakansie was. Die natuurskoon is absoluut asemrowend. Om op so manier deel te word van die natuur - aanvoelbare stiltes, pragtigste voëlgeluide, kabbelende waterstrome, sonsondergange wat prentjiemooi is en 'n sterreprag wat onbeskryflik is! Die hoogtepunt was natuurlik die verhitte swembadjie! Wat meer wil jy dan nou hê? As jou behoefte is om batterye te laai, is Buitenstekloof Mountain Cottages jou antwoord!

Heaven is a place on earth... And we found it at Buitenstekloof Mountain Cottages! The rustic simplicity of Witkruis Cottage was exactly what we needed for a couple's weekend away. Our only regret was that we couldn't stay longer.

Stil, rustig, en ontspannend. Perfekte plek om te gaan afskakel met 'n lekker boek. Pragtige ligging met berge en fynbos waar jy kyk. Die kothuis het alles wat jy benodig en nog baie meer.