+32

Dune Ridge Main House

11 resensies

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: 8 Blombos Close, Bek Bay, Paternoster, 7381, Wes-Kaap
Vanaf R6 350 per nag (plek vir 6)

Beskrywing

Dune Ridge Main House is 'n luukse selfsorg-vakansiehuis op Bekbaai se strand, in Paternoster geleë. Die eenheid het 'n panoramiese 270°-uitsig oor die see. Die huis is 2,4 km vanaf die Columbine Natuurreservaat en die Cape Columbine-vuurtoring.

Dié huis beskik oor 3 en suite-kamers. Die hoofslaapkamer het 'n pragtige see-uitsig, koninggrootte-bed en 'n volledige badkamer met 'n bad en 'n stort. Die tweede slaapkamer het 'n uitsig oor die see en die vuurtoring en het 'n groot instapstort en aparte toilet. Die koninggrootte-bed kan in 2 enkelbeddens omskep word, op versoek. Die derde slaapkamer het dubbelbed en 'n en suite-badkamer met 'n stort, aparte toilet. Die ruim leefarea is ideaal vir onthaal met 'n oopplan-uitleg met 'n sitkamer, eetkamer en kombuis wat toegang bied deur stapeldeure tot 'n patio met 'n braai-area.

Die ten volle toegeruste kombuis het 'n binnebraai, gastoebehore, wyn-yskas en 'n sitkamer met 'n houtkaggel. Daar is ook 'n spens, wasgoedkamer, gaste-toilet en 'n enkelmotorhuis met 'n outomatiese deur en motorafdak. Die huis is rolstoelvriendelik en eko-vriendelik. Gratis WiFi en parkeerplek word voorsien. Daar is ook 'n TV met DStv Explora. Die huis word daagliks skoongemaak, behalwe op Sondae en openbare vakansiedae.

Daar is verskeie doendinge en besienswaardighede in Paternoster soos, strande, kajak, vlieërbranderry, visvang en gholf.

Bespreek