Rus vir jou siel op Fraaiuitsig Gasteplaas. Een van die lekkerste kuiers vir 'n 50ste verjaarsdag! Vir 'n beter gasheer en gasvrou kan een nie vra nie. Met die aankoms het dit gevoel of ek familie groet wat ek lanklaas gesien het. 'n Groter bederf was die vars (rou) plaasmelk en turksvye wat vir ons aangebied was. Die huis het alles wat enige vakansieganger nodig het en daar is geen tekorte aan enige kombuistoerusting nie. Fyn detail soos die handseep en room in die badkamers asook die sjokolade in elke kamer was 'n duidelike bewys van ons gasvrou se finesse en die vlak waarop sy na haar gaste omsien. Die huis maak voldoende voorsiening vir kragstuwing. Weereens is dit 'n opsie om te oorweeg as jy net lafenis vir jou siel wil hê. Nogmaals dankie vir 'n aangename, ontspannende week op julle plaas.

Baie gerieflik en vriendelike gasteplaas. Los hande, een van die lekkerste plekke waar ek al gebly het. Daar is wel 'n stewige grondpad.

Wonderlike kuierplek met alles van die beste. Gasvryheid van die beste. Eienaars gaan uit hul pad om te help. Het selfs dit wat ons vergeet het gekoerier.

Very tranquil farm, far away from hustle and bustle. Very quiet and tranquil venue.

Rustige plaasverblyf in 'n gemaklike huis met vele geriewe. 'n Groter TV-skerm is ongelukkig 'n moet in vandag se samelewing, veral in 'n land wat daar rugby gekyk word op naweke. Staproetes vanaf die huis met voetslaanaanduiding en kaart sal 'n welkome aktiwiteit wees by die huis.

Lieflike stap op teen die berge. Lekker ou plaashuis met alles wat mens nodig het. Ons is geïnteresseerd in plante en voëls en die ongereptheid van die omgewing van die berge het die ervaring soveel meer bevredigend gemaak. En om so totaal weg te kom. Geen Vodacom nie! En die stilte is die grootste weelde.

Plattelandse gasvryheid. Pragtige uitsigte oor die omliggende landskap. Mooi ou plaashuis en baie stylvol oorgedoen. Die tipe stilte en rustigheid vind mens by min plekke.

Rustig en net mooi alles wat jy nodig het of aan kan dink. Daar is meer as waaraan jy kan dink om jou verblyf baie lekker te maak. En ons het almal die pooltafel so geniet!

Fantastiese plaaswegbreek Ons was 'n groot groep van familie en vriende en ook nog 'n hond of twee wat saamgegaan het. Daar is baie slaapplek en alles is baie netjies en stylvol. Die tieners en jonger kinders het die pooltafel en die tafeltennis baie geniet en nooit eers by die TV-kyk uitgekom nie. Jy moet rondloop om sein te kry, maar dit het ons gepas. Bettie het kom skoonmaak elke dag wat 'n ekstra bonus vir ons was. Die skuur met die groot kombuis en eettafel was 'n wenner vir ons groep van 17 mense. Daar was absoluut niks wat ons gekort het nie en ons het selfs meer as 4 liter plaasmelk gekry asook beskuit en koffie. Ons het die berg gaan uitklim - baie steil, maar vir die fikses die klim werd en toe sommer in die diere se krip afgekoel. Die pad vanaf Vrede is baie sleg a.g.v groot slaggate en is so 35 km van grondpad waarvan seker 15 km sleg is. Jy moet verkieslik met 'n bakkie hier ry. Ons skoonseun het met 'n Polo gery wat 'n ekstra uur by sy rytyd gesit het. Daar is 'n ou boks-TV met klomp DVDs vir die kinders asook DStv. 'n Lekker plaasdam om in te kan swem in die somer sal hierdie bestemming perfek maak. Baie dankie vir julle gasvryheid Ina!

Beautiful farm, great place to stay with family and friends and great value for money. This is such beautiful farm, great place to stay with family and friends. It is exceptionally clean, it have great customer service and definitely great value for money. There is lot you can do: you can go for walks, go for bicycle rides, play pool. I would recommend this beautiful farm to everybody.