Dolfyne vanaf jou stoep. Heerlik gekuier, fantastiese uitsig, 100 m van die strand af, gemaklike vakansiehuis met 'n lekker groot stoep en ruim kuierarea. Uitstekende ligging op 'n bult met bure slegs aan die een kant. Ons het heelwat dolfyne gesien tydens ons verblyf. Baie oulike eetplekke binne stapafstand. Kan roomys koop as mens langs die see stap. Ook gestap na die skeepswrak om die draai. Vriendelike diens ontvang vanaf die huis se eienaar. Sal Glentana by the Sea definitief kan aanbeveel.

Pragtige, rustige plek. Ons het heerlik gebly. Absoluut juweel van 'n plek.

Geen foto's regverdig die skoonheid en rustigheid van hierdie eiendom nie. Wat 'n ongelooflike plek om tyd saam met familie en vriende deur te bring. Een van my gunsteling wegbreke in 'n lang tyd.

Uitstekend! Ons het baie lekker gebly met perfekte uitsig oor die see. Die ligging van die huis is baie goed, veral met die skipswrak wat jy kan besoek as dit laagwater is, met nie te ver se stap nie.

Wonderlik! Uitstekende verblyf en ligging. Fantastiese uitsig. Veilig, skoon, smaakvol en ten volle ingerig. Voortreflike gasvrou. Beslis aan te beveel.

Heerlike see vakansie materiaal! Ons het heerlik hier gebly. Die huis is goed toegerus en ruim en het 'n pragtige uitsig oor die see. Dit is eenkant en uit die pad wat heerlike stilte en rustigheid bied. Die tafeltennisblad was 'n groot hit met almal op reënerige dae en ook aande. Die strand is net 'n kort stappie en lieflik! Buite braai met 'n view wat ook daagliks vir jou skoongemaak word! Wat 'n bonus. Die gasvrou is baie vriendelik, behulpsaam en gasvry! Sal definitief weer hier bly!

Dit was heerlik. Asemrowende uitsig, gerieflik, privaat, veilig. Wonderlik! Sonder twyfel lekker gebly!

Baie lekker huis met die beste uitsig. Baie lekker gebly. Ligging is uitstaande en die eienaar was baie behulpsaam en vriendelik. Plek was mooi skoon en alles wat jy benodig was daar.

Ons het heerlik ontspan in die gerief van hierdie huis. Puik. Dit was heerlik. Die huis is ruim met lekker groot slaapkamers en pragtige 180° uitsig op die see. Die lekker groot stoep met ingeboude braai het gesorg vir 'n heerlike kuierarea. Alles is mooi skoon en netjies. Elke gerief waaraan jy kan dink, is beskikbaar. Die huis is met smaak versier. Die gasvrou het ons dadelik welkom laat voel. Dit was beslis 'n groot bonus dat die huishulp ook vir ons beskikbaar was. Definitief nou op ons lys van gunstelinge.

Vakansie by die see. Fantastiese plek, baie dolfyne gesien vanaf die stoep.