Heerlike verblyf. Klein woonstel met genoeg ruimte en alles wat jy nodig het. Sentraal geleë was dit maklik om by alles uit te kom wat ons wou sien en doen. Gasvrou is baie vriendelik en tegemoetkomend.

Aangenaam, sentraal, netjies. Ons het ’n baie aangename tyd gehad in hierdie knus tuinwoonstel in Knysna. Die eenheid was uiters netjies en goed toegerus, met baie aandag aan klein besonderhede wat dit ekstra spesiaal gemaak het – van ordentlike koffie en heerlike koekies tot vars linne en ’n gemaklike bed. Die ligging is rustig en sentraal, en dit was duidelik dat die gashere trots is op hul plek. Hulle was vriendelik en behulpsaam, en selfs al kon ons hulle soms deur die muur of die kombuisvenstertjie hoor, het dit nooit werklik ons ervaring gesteur nie. Die enigste klein uitdaging was die gasgeyser – dit neem ’n bietjie oefening om reg te kry, en as jy per ongeluk daaraan stamp, verander die temperatuur baie vinnig. Ons sal hierdie tuinwoonstel beslis aanbeveel vir enigeen wat op soek is na ’n skoon, goed versorgde en bekostigbare plekkie om in Knysna te bly.

Netjies, rustig, waarde vir jou geld. Vriendelike ontvangs. Rustige omgewing. Baie mooi, baie netjies en skoon. Lekker parkeerarea. Naby geleë aan winkels. Wat foto's wys is wat jy kry.

Rustig en netjies. Baie goed ontvang. Ek het lekker oornag, baie dankie.

Netjies, gemaklik, naby die Knysna Heads. Ons het baie lekker gebly. Was netjies en die kombuisie was goed toegerus. Dis alles wat jy nodig het vir 'n aand se oornag. Daar is selfs Disney+ en Netflix. Kry die Disney+ wagwoord as jy dit wil kyk.