+23

Hardekool Home

5 resensies

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 2516 Hardekool Street, Marloth Park, 1321, Mpumalanga
Vanaf R1 000 per nag (plek vir 4)

Beskrywing

Hardekool Home bied selfsorgverblyf in die hartjie van Marlothpark waar gaste diere soos sebras, vlakvarke en impalas op hul voorstoep kan sien. Die verblyf sluit 'n hoofhuis en 'n aparte rondawel in wat ideaal vir 'n Bosveld-wegbreek is.

Die hoofhuis is geskik vir 4 volwassenes en 4 kinders en beskik oor 3 slaapkamers en 2 badkamers. Die eerste 2 slaapkamers het elk 'n dubbelbed en die derde slaapkamer het 2 stapelbeddens waarop die 4 kinders kan slaap. Bad- en stortgeriewe is beskikbaar. Die hoofleefarea het lugversorging en 'n oopplan-uitleg met 'n kombuis en sitarea. Die kombuis is met 'n gasstoof, elektriese oond, yskas-vrieskas, eetgerei en breekware toegerus en daar is 'n toonbank met stoele waar gaste hul maaltye kan geniet. Verder is daar 'n onderdak-stoep met 'n plonspoel.

Langs die hoofhuis is die rondawel wat slaapplek aan 4 gaste op 'n dubbelbed en stapelbed bied. Die badkamer het 'n stort, wasbak en toilet. Dié rondawel kan apart bespreek word of saam met die hoofhuis. Dit beskik ook oor 'n kombuis met 'n gasstoof, mikrogolfoond, yskas-vrieskas, eetgerei en breekware en gaste kan hul maaltye om die etenstafel geniet.

Buite is daar 'n boma met genoeg spasie vir die hele gesin om saam om die vuur te kuier. Daar is ook 'n buitestort en -bad met 'n uitsig oor die bosveld, asook 'n aparte braai. Verder kan gaste die gewilde winkels en restaurante in die omgewing besoek.

Bespreek