Beskrywing

Letjiesbos 101 is in die gewilde Hartenbos geleë en is gerieflik gemeubileer vir 6 gaste. Die eenheid is nuut gemeubileer en toegerus.

Die woonstel het 3 slaapkamers en 2 badkamers. Die hoofslaapkamer het 'n dubbelbed, die tweede slaapkamer het 2 enkelbeddens, en die derde slaapkamer het 2 enkelbeddens. Die 2 badkamers het elk 'n stort, toilet en wasbak en die en suite-badkamer in die hoofslaapkamer het ook 'n bad. Alle beddegoed word voorsien.

Die oopplan-kombuis is goed toegerus vir selfsorg met 'n vierplaatstoof, oond, mikrogolfoond, yskas-vrieskas, outomatiese wasmasjien, ketel, breekware en eetgerei. Daar is ook 'n ontbythoekie met sitplek. Die gemaklike leefarea het 'n platskerm-TV met volledige DStv. Die leefarea lei na 'n privaat patio met 'n ingeboude braai, stoeptafel en -stoele, asook 'n grasperk. Die eenheid word beveilig met 'n Trellidoor.

Onderdakparkeerplek vir 1 voertuig en ekstra staanplek vir 'n waentjie, asook 'n parkeerplek vir kuiergaste is beskikbaar. Gaste moet asb. hulle eie vadoeke en vatlappies, asook bad- en strandhanddoeke saambring. Die eenheid gebruik koopkrag.

Die kompleks is binne stapafstand (600 m) van die strand, Hartenbos-winkelsentrum (400 m), die waterwurm, warmwater-onderdakswembad, verskeie restaurante en sowat 900 m vanaf die ATKV-amfiteater.

Neem asb. kennis dat die verblyf ongelukkig nie matrikulante op hulle eie toelaat nie.