+106

Karoo Karos

168 resensies

Selfsorg

Gratis kansellasie tot 24 uur voor jou verblyf!
Kapasiteit: 13 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: 38 Albert Street, Ladismith, 6655, Wes-Kaap
Vanaf R950 per nag, vir 2 mense

Beskrywing

Karoo Karos is 'n bekoorlike Georgiese selfsorghuis in die klein dorpie Ladismith in die Klein-Karoo.

Die eiendom kan tot 11 gaste akkommodeer in 1 en suite-slaapkamer in die hoofhuis asook 3 kothuise. Die slaapkamers en kothuise word as aparte eenhede bespreek.

Die slaapkamer in die hoofhuis Mont Blanc beskik oor 3 enkelbeddens waarvan 2 in 'n dubbelbed omskep kan word indien nodig. Die slaapkamer het ook sy eie aparte badkamer. Ander geriewe sluit 'n yskas en 'n ketel in, maar geen selfsorggeriewe om kos voor te berei nie. Die onderdakstoep het 'n etenstafel, 2 gemakstoele en uitsigte oor die Swartberge. Die gasheer woon ook in hierdie huis, maar hulle sal nie die gaste steur nie.

Cabernet is ingerig met 3 enkelbeddens waarvan 2 in 'n dubbelbed omskep kan word. Die kothuis het ook 'n en suite-badkamer en lugversorging. Die kombuis is toegerus met 'n yskas, mikrogolfoond, oondjie met 'n tweeplaatstoof en eetgerei. Dit het ook 'n privaat onderdakstoep met 'n uitsig oor die Swartberge.

Witvy het slaapplek vir 3 gaste asook 'n enkeldivan en 'n slaapbank in die sitkamer vir nog 2 gaste. Die tarief is gebaseer op 3 gaste, maar kan aangepas word indien meer as 3 gaste bespreek. Dit is volledig toegerus met 'n yskas, TV, mikrogolf, mini-stoof en oond asook eetgerei. Die eenheid het 1 badkamer en lugversorging. Die kothuis het ook 'n beskutte vermaakarea met 'n houtoond vir winteraande.

Karoo Kraaltjie Deluxe is ruim en het 1 slaapkamer met 'n aparte badkamer. Daar is 'n oopplan-sitkamer met lugversorging en 'n kombuis met 'n etenstafel. Buite is daar 'n privaat patio, braaigeriewe en 'n vuurput. Daar is geen TV nie, net 'n radio en WiFi is beskikbaar.

Bykomende geriewe sluit gratis WiFi, tee- en koffiemaakgeriewe, 'n koolstoof, braaigeriewe en onderdakparkeerplek op die perseel in. Die verblyf is toegerus met sonkrag en word nie deur beurtkrag geraak nie. Daar is verskeie restaurante, 'n kafee, Steers en Spar binne stapafstand vanaf die eiendom, asook 2 kaasfabrieke en vars vrugte in seisoen.

Nabygeleë besienswaardighede sluit Towerkop en Seweweekspoort in. Die area bied verskeie warmwaterbronne asook geleenthede vir fietsritte en bergklim. Gaste kan die stil platteland, sterre nagte, natuurskoon en berge geniet of sommer net op die stoep of om die vuur ontspan.

Bespreek

Dít is wat jy hier sal kry

Tee en koffie

Gratis, veilige parkeerplek

WiFi

Wassery naby

Mooi uitsig

Resensies

4.9/ 5

Gebaseer op 168 resensies

Uitstekend

Netheid

4.9

Ligging

4.9

Waarde vir geld

5.0

Diens

4.9

Veiligheid

4.9

Gaste se hoogtepunte

Olivia S

Saam met vriende

5.0

Vriendelik, gasvry en rustig. Ideale oornag vir enkelpersone - baie rustig en stil.

Sep 2025

Martin A

5.0

Een van die beste plekke waar ek al ooit gebly het, sal dit enige tyd aanbeveel. Besonderse blyplek. Goed uitgelê, smaakvolle dekor, en baie netjies. ...

Sien meer

Sep 2025

Dirkie W

5.0

Ons het na 'n huis in die dorp kom kyk. Heerlik rustig geslaap, dankie! Dit was ook besonder netjies.

Sep 2025

John W

Saam met lewensmaat

5.0

Clean, quiet and friendly. See stars.

Word in die oorspronklike taal vertoon.

Sep 2025

Jj S

Gesin met tieners

5.0

Baie netjies en gerieflik. Ons het baie lekker en gerieflik gekuier. Oom Norman en Tannie Sina, julle is die beste, so groot voorreg om julle te ontmo...

Sien meer

Aug 2025

Sien al 168 resensies