+24

Kloofpark Stilbaai

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 59 Paradyskloof, Still Bay, 6674, Wes-Kaap
Vanaf R3 500 per nag (plek vir 6)

Beskrywing

Kloofpark is 'n nuutgeboude, kontemporêre selfsorghuis in Stilbaai wat 'n stil wegbreek bied. Dit is op 'n landgoed geleë waar gaste die natuur kan geniet. Hierdie landgoed is ook naby die rivier en die strand waar gaste kan stap.

Hierdie pragtige huis bied slaapplek aan 6 gaste en beskik oor 3 smaakvolle slaapkamers, 2 badkamers, 'n oopplan-kombuis, -eetarea en -leefarea en 'n solder-sitarea. Die hoofslaapkamer het 'n koningingrootte-bed en het 'n en suite-badkamer met 'n bad, stort, wasbak en 'n toilet. Die tweede slaapkamer het 'n dubbelbed, die derde slaapkamer het 2 enkelbeddens. Die gaste van hierdie 2 slaapkamers deel die gebruik van 'n badkamer met 'n stort, wasbak en 'n toilet. Daar is ook 'n buitestort onder die melkhoutboom. Vars linne en handdoeke word voorsien.

Die kombuis is met 'n yskas-vrieskas, gasstoof, oond, mikrogolfoond, basiese eetgerei, breekware en koffie- en teemaakgeriewe toegerus. Die opwaskamer het 'n skottelgoedwasser, wasmasjien en 'n tuimeldroër vir gaste se gerief. Dit lei na 'n eetarea en na die leefarea. Die leefarea het gemaklike rusbanke, 'n TV en 'n knus kaggel.

Die solderarea is die perfekte wegkruipplek met 'n goeie boek of bordspeletjies saam met die gesin of dit kan as 'n werkspasie gebruik word. Die huis het 'n omsetter en 'n batterystelsel en word nie deur beurtkrag of kragonderbrekings geraak nie.

Die stoep het 'n lieflike buite-area met 'n ingeboude braai en gemaklike sitplek. Hiér kan gaste na 'n lang dag ontspan. Veilige parkeerplek is op die perseel beskikbaar.

Bespreek