Beskrywing

Kruger Loft bied gerieflike verblyf in 'n enkelwoonstel in Marlothpark. Die woonstel is privaat en is tussen die bome versteek. Dit is ideaal vir voëlkyk en gaste kan nagapies ook hier sien. Kruger Lodge is op 'n residensiële eiendom waarop die eienaars woon en is ideaal vir 'n paartjie wat opsoek is na 'n rustige bos-ervaring met toegang tot alle geriewe.

Dié grasdak-solderkamer het 'n koningingrootte-bed, 'n dubbelslaapbank, 'n en suite-badkamer met 'n stort, en 'n oopplan-kombuis en -eetarea. Die kombuis is met 'n yskas, oond, stoof, mikrogolfoond, etenstafel en stoele toegerus. Die solderkamer het 'n houtbalkon met 'n tafel en stoele. Daar is ook 'n klein plonspoel.

Marlothpark is 'n wildreservaat en 'n omheinde area met baie wild. Dit is 20 km vanaf die Krugerwildtuin se Krokodilbrughek en 30 km vanaf Mosambiek se grens. Dit grens aan die Krokodilrivier in die Krugerwildtuin, waar gaste skemerkelkies kan geniet terwyl hulle wildkyk.

Kevin, die eienaar en bestuurder van Kruger Loft, woon op die perseel. Hy is 'n gretige gholfspeler en kan die beste wildkykplekke in die area aanbeveel.