+67

La Villa Retreat

B&B

Soos Gesien op Instagram
Kapasiteit: 18 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 63 Dirkie Uys, Franschhoek, 7680, Wes-Kaap
Vanaf R4 950 per nag (plek vir 2)

Beskrywing

La Villa Retreat is 'n rustige toevlugsoord in die skilderagtige Franschhoekvallei wat gaste die geleentheid gee om uit die stadsgewoel ontsnap en in die natuur te kom ontspan.

Verblyf is in 5 gastekamers met slaapplek vir 2 elk, die Stone Cottage vir 2 en die Mountain View Retreat vir 2 beskikbaar. Daar is ook 'n Pool Barn Retreat wat slaapplek aan 2 volwassenes en 2 kinders bied. Al die eenhede het óf koningingrootte-beddens óf koninggrootte-beddens en elkeen het sy eie badkamer met 'n bad of 'n stort, of albei. Elke eenheid is uniek ontwerp met gehalte-afwerkings en -meubels en bied 'n asemrowende uitsig oor die omliggende vallei.

Elke eenheid sluit 'n koffiestasie met 'n yskassie in en die Pool Barn Retreat beskik oor 'n volledig toegeruste kombuis. Die 5 gastekamers en die Stone Cottage spog met kaggels. Gratis WiFi is beskikbaar en soggens word 'n organiese, plaasvars ontbyt bedien.

Gaste het toegang tot 'n 30 m-swembad met 'n uitsig oor die Kaapse Wynlande in die agtergrond. La Villa Retreat bied maklike toegang tot Franschhoek se lewendige kultuur, kookkuns en wêreldbekende wynlandgoedere.

Bespreek