Onvergeetlik. Sal dit aanbeveel.

Stoep-kuiers vir elke seisoen. Lafenis vir die siel is wat ons ervaar het! Dit tydens 'n langnaweek waar ons al 4 seisoene gehad het! Ons viervoet kind het dit net so baie geniet! Met ons aankoms was daar heerlike bederfies: wyn, sjokolades, granate. Beurtkrag het ons nie gepla nie, want die stoep met sy groot braai was waar ons die meeste van ons tyd het!

Net soos hier bo. Ons het baie lekker gekuier. Die huise was goed ingerig en die oop vuurmaakplek binne was heerlik. Daar is wel WiFi, maar geen internet nie. Ook 'n TV, maar net DVD's om te kyk. So ons kon nie die rugby kyk nie. Maar behalwe vir dit het ons die kuier op die plaas baie geniet.

Sal graag weer in die somer wil gaan kuier. Ons het lekker gebly, 'n pragtige uitsig oor die rivier. Volledig toegeruste kombuis. Skoon en netjies. Hulle het moeite gedoen met klein verrassinkies oral. Net 'n paar dinge om van bewus te wees: Daar is WiFi, maar geen internet. Nie veel stapplek nie. Dit was koud in die huisie, maar die kaggel en paneelverwarmers het gehelp. Ons gasheer was per WhatsApp in verbinding, en baie gaaf en tegemoetkomend.

Goeie oornag akkommodasie, maar nie geskik vir klein kinders nie. Ek sal hierdie plek aanbeveel vir mense wat oornag akkommodasie nodig het vir 'n aand of twee, maar dit is glad nie geskik vir 'n gesin met klein kinders nie. Die plek is baie beknop en daar is geen doendinge op die plaas nie. Daar is geen werkspasie in die kombuis nie en die mop en besem staan sommer so langs die wasbak / werkstafel. Die stortgordyn is onbruikbaar en dus raak die vloer sopnat. Die beligting in die plek is aaklig! Die beddens was baie gemaklik, die beddegoed van goeie kwaliteit en die handdoeke aanvaarbaar. Die kombuistoebehore was puik.