+19

Lord Caledon Guest House

13 resensies

B&B

Kapasiteit: 10 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 35 Caledon Street, Camphersdrift, George, 6529, Wes-Kaap
Vanaf R1 200 per nag, vir 2 mense
TGCSA-gradering:

Beskrywing

Lord Caledon Guest House is in Camphersdrfit, George geleë en spog met 'n pragtige uitsig oor die Outeniekwaberge. Die verblyf is ideaal vir sakereisigers, vakansiegangers en vir gaste wat op soek is na 'n gerieflike oornagplek.

Die gastehuis beskik oor 7 smaakvol versierde kamers, waarvan 6 'n uitsig oor die swembad het. Elke kamer het 'n ekstra-lengte koninggrootte-bed wat ook op versoek in 2 enkelbeddens omskep kan word. Daar is 'n TV met DStv en 'n yskassie met 'n kroeg vir daardie middernagtelike versnaperinge. Koffie- en teemaakgeriewe is ook beskikbaar op 'n selfhelpskinkbord vir diegene wat warm drankies geniet. Vir beide sakereisigers en tieners is daar gratis WiFi.

Buite is daar 'n lieflike area met 'n groot TV en 'n selfs groter braai, vir gaste om 'n braai te geniet terwyl die rugby aan die gang is.

Die gemeenskaplike kombuis se mikrogolfoond kan vir springmielies of 'n aandete-vir-een gebruik word. Die gastehuis is naby talle restaurante, winkels en ander geriewe geleë. Gaste kan ook kos aanlyn of oor die telefoon bestel vir aflewering.

Ontbyt bestaan uit 'n hele verskeidenheid ontbytgraan, 'n verskeidenheid jogurt, 2 gesnyde vrugte, afhangende van die seisoen, 'n bak vol vrugte, sap en natuurlik warm koffie. Dit sluit ook 'n warm ontbyt in wat bestaan uit eier, spek, 'n stukkie boerewors, sampioene en tamatie.

Bespreek