+35

Magnificent Villa

4 resensies

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 32 Magnifica Avenue, Kleinbron Estate, Brackenfell, 7560, Wes-Kaap
Vanaf R2 500 per nag (plek vir 6)

Beskrywing

Magnificent Villa bied gerieflike en ruim selfsorgverblyf in 'n veilige kompleks in Brackenfell. Dit is 'n ideale opsie vir 'n groep vriende aangesien dit 'n entjie se ry vanaf Durbanville se gewilde wynroete geleë is.

Hierdie stylvolle eiendom bied slaapplek vir tot 'n totaal van 6 gaste op 'n slag en beskik oor 3 slaapkamers en 2 badkamers. Die hoofslaapkamer met lugversorging is ingerig met 'n dubbelbed en beskik oor 'n en suite-badkamer met 'n stort. Die tweede slaapkamer het ook 'n dubbelbed, terwyl die derde slaapkamer 2 enkelbeddens het. Hierdie 2 kamers deel die tweede badkamer met 'n bad en 'n stort.

Die oopplan-leefarea met lugversorging beskik oor 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook 'n skottelgoedwasser. Van die kombuis af lei 'n formele sitarea wat na 'n onthaalarea lei. Dit sluit 'n knus TV-sitkamer, 'n etenstafel met oorgenoeg sitplek en 'n ingeboude binnebraai in. Komplimentêre WiFi is beskikbaar.

Hierdie leefarea maak oop op 'n sonnige patio met buitemeubels, 'n draagbare braai en 'n jacuzzi waar gaste ten volle kan ontspan. Die ligging van hierdie eiendom is ook 32 km vanaf die bekende V&A Waterfront, 35 km vanaf Jonkershoek Natuurreservaat en sowat 18 km vanaf Kaapstad Internasionale Lughawe.

Bespreek