+21

Midway en Route

2 resensies

Selfsorg

Gratis kansellasie tot 1 week voor jou verblyf!
Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: 15 Olienhout Avenue, Harrismith, 9880, Vrystaat
Vanaf R900 per nag, vir 2 mense

Beskrywing

Midway en Route is moderne woonstelle wat die perfekte verblyf in die skilderagtige dorpie Harrismith in die Vrystaat bied. Dit is ideaal vir paartjies, sakereisigers of diegene wat oornagverblyf soek.

Elk van hierdie 2 eenhede bied slaapplek aan 2 gaste en het 'n oopplan-ontwerp met 'n koningingrootte-bed. Die badkamer het 'n stort, wasbak en 'n aparte toilet. Gehaltelinne en badhanddoeke word voorsien.

Die kombuisie in elke eenheid is met 'n mikrogolf, yskassie, eetgerei, breekware, tee- en koffiemaakgeriewe toegerus. Daar is 'n etenstafel met sitplek vir 2 waar gaste hul maaltye kan geniet. Die eenhede het USB-koppelpunte aan albei kante van die bed, en die eetarea kan as 'n werkstasie gebruik word met sy eie kragpunt. Gratis hoëspoed WiFi en 'n slim-TV met OpenView is ook beskikbaar.

Die eiendom het 'n rugsteunkragopwekker vir kragonderbrekings en water word in grootmaat gestoor vir tye wanneer die munisipaliteit nie water het nie. Veilige parkeerplek is beskikbaar. Midway en Route is in 'n veilige en rustige buurt geleë, en is boonop net 1 km vanaf die N3- hoofweg.

Bespreek