+104

MyAula

38 resensies

Gastehuis

Gratis kansellasie tot 1 week voor jou verblyf!
Kapasiteit: 19 persone
Alle ouderdomme is welkom
Inkloktyd: 12:00 tot 22:00
Uitkloktyd: 10:00
Adres: 80 Tau Street, Tiegerpoort, Pretoria, 0056, Gauteng
Vanaf ~~R1 385~~ R1 247 per nag (plek vir 2)

Beskrywing

MyAula is 'n grasdakhuis wat geleë is in die rustige Tierpoort in Pretoria-Oos. Dié huis bied gehalteverblyf wat ideaal is vir gaste op soek na 'n vinnige wegbreeknaweek of oorslaapplekkie.

Hierdie koloniale styl huis spog met 5 keurig versierde kamers wat elk 2 gaste wat deel kan akkommodeer. Elke kamer het privaat badkamers, gehaltelinne en -handdoeke.

Daar is ook 2 selfsorgeenhede wat elk 5 gaste kan akkommodeer met 'n kombinasie van enkel- en koninggrootte-beddens.

'n Aantal enkelbeddens in die gemeenskaplike gaste-sitkamer maak voorsiening vir kinders en jongmense van groter families.

'n Ruim eetsaal met 'n heerlike kaggelvuur bied ontbyt teen 'n minimale addisionele koste. Voorafbespreking is noodsaaklik.

'n Totaal van 23 gaste kan dus met gemak geakkommodeer word.

Die gastehuis spog ook met 'n kristalhelder swembad, braaigeriewe en veilige parkeerplek vir gaste. Hierdie eiendom word nie deur beurtkrag ge-affekteer nie.

Die pragtig onderhoude tuine is die tuiste van verskeie voëlspesies en kleiner diere. Daar is 'n labirint wat van Suid-Afrikaanse plante gemaak is en die ideale plek is vir gaste om te mediteer.

MyAula is langs Garsfonteinweg naby die Pretoria-Oos Hospitaal, Pretoria-Oos Begraafplaas, Park View en die Woodlands Winkelsentrum asook Menlyn Main geleë.
Daar is verskeie trou- en konferensiesentrums in die omgewing soos Imperfect Perfection, Shokran, Bushwillow, La Patio, Thulani en Jabulani Function Venue. Klitsgras Drumming en die Ingaadi Spa is ook in die omgewing.

Bespreek