+29

Njiri Lodge - Your Place in Africa

24 resensies

Selfsorg

Gratis kansellasie tot 1 week voor jou verblyf!
Kapasiteit: 6 persone
Geen kinders onder 3
Inkloktyd: 15:00 tot 19:00
Uitkloktyd: 10:00
Adres: 1604 Volstruis Road, Marloth Park, 1321, Mpumalanga
Vanaf R1 750 per nag (plek vir 6)

Beskrywing

Njiri Lodge - Your Place in Africa is in die hartjie van die Afrika Bosveld in die Marlothparkbewarea. Dis net 300 m vanaf die Krokodilrivier wat aan die Krugerwildtuin grens. Njiri Lodge bied gerieflike selfsorgverblyf in 'n tweeslaapkamerhuis. Gaste kan die geluide van die Bosveld geniet terwyl die kameelperde, sebras en koedoes in die tuin wei.

Dié huis beskik oor 2 slaapkamers. Die 1 slaapkamer het 'n dubbelbed en 'n stapelbed en die ander slaapkamer het 'n koninggrootte-bed.Daar is ook 'n enkel slaapbank in die sitarea. Die 1 badkamer het 'n stort en die ander badkamer het 'n bad. Al die kamers het 'n plafonwaaiers. Die kombuis is met 'n toonbank, yskas-vrieskas, mikrogolf, stoof en 'n skottelgoedwasser toegerus.

Die huis bied 'n kuierarea met braaigeriewe, 'n vuurput en 'n plonspoel. Gaste kan op die wal van die rivier sit en die uitsig oor die Krugerwildtuin en die wild geniet. Of gaste kan langs die vuur sit en luister hoe die nagapies gesels. Die ligging is ideaal vir gaste wat die Krugerwildtuin wil besoek en dis net 19 km ver.

Gaste kan in die bos langs die Krokodilrivier gaan stap of 'n skemerkelkie op die rivierwal geniet. Die diere besoek gereeld die huis en alhoewel hulle vriendelik is, is hulle steeds wilde diere. Gaste word daarom versoek om asb. versigtig te wees. Marlothpark bied 'n pragtige voëllewe en wildritgeleenthede met stap, selfrywildritte of begeleide toere. Daar is ook kroeë en restaurante in die park. Njiri Lodge bied begeleide wildritte deur die wildtuin teen 'n ekstra koste.

Bespreek