+31

Oceana View

7 resensies

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: 436 Kuiseb Street, Langstrand, Erongo
Vanaf R6 000 per nag (plek vir 6)

Beskrywing

Oceana View bied ongerepte see-uitsigte en asemrowende sonsondergange en is op Langstrand geleë. Dié strandfronthuis is ideaal vir 'n gesin of groep vriende en is binne maklike bereik van talle doendinge en besienswaardighede.

Hierdie onberispelike eenheid beskik oor 3 slaapkamers en kan tot 6 gaste op 'n slag akkommodeer. Die ruim hoofslaapkamer het 'n koningingrootte-bed en 'n en suite-badkamer met 'n stort, bad, toilet en wasbak, 'n TV met DStv-kanale, en 'n manjifieke see-uitsig. Die tweede slaapkamer het ook 'n koningingrootte-bed en 'n see-uitsig. Die derde slaapkamer het 'n koningingrootte-bed en 'n en suite-badkamer met 'n stort, toilet en wasbak, en spog ook met 'n see-uitsig. Linne en handdoeke word voorsien vir gaste se gerief.

Die sitkamer op die boonste vloer is toegerus met gemaklike sitplek en 'n TV met 'n DStv-pakket. Op die grondvloer is die ruim, oopplan-kombuis en -eetkamer met 'n binnebraai, 'n sitarea met gemaklike sitplek en 'n TV en DStv Explora-pakket. Die kombuis is toegerus met 'n stoof, oond, yskas-vrieskas, mikrogolfoond, koffie- en teemaakgeriewe, breekware en eetgerei. Daar is ook 'n wasmasjien en tuimeldroër en 'n skottelgoedwasser.

Die buite-area bied 'n pragtige dek wat lei na 'n grasperk en op die strand.

Ook ingesluit is 'n dubbeldeurmotorhuis met elektroniese toegang tot die eenheid asook 'n alarmstelsel.

Bespreek