+178

Ou Klipskuur Self-Catering Accommodation

34 resensies

Selfsorg

Gratis kansellasie tot 24 uur voor jou verblyf!
Kapasiteit: 14 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Helpmekaar Farm, Fraserburg, 6960, Noord-Kaap
Vanaf R400 per nag, vir 2 mense

Beskrywing

Ou Klipskuur Self-Catering Accommodation is sowat 25 km buite die Noord-Kaapse dorpie Fraserburg geleë en bied kwaliteit, plaasstylverblyf asook 'n kampplek. Hier kan gaste rus, ontspanning en ware Karoo-gasvryheid geniet. Dit is die ideale oornagverblyf tussen Johannesburg en Kaapstad.

Ou Klipskuur maak ook 'n wonderlike naweekwegbreekbestemming vir die moeë stadsbewoner. Die sterre naghemel, sonnige dae en skoon Karoo-lug sal herleef en herstel.

Die Oudeklip- en Oudeskuur-eenhede beskik elk oor 1 slaapkamer en bied 'n TV met DStv. Die slaapkamers het elk 2 enkelbeddens wat op versoek in 'n koninggrootte-bed omskep kan word. Die en suite-badkamers het elkeen 'n stort, toilet en wasbak. Die slaapkamers het ook elektriese komberse vir daardie koue winteraande. Die kamers beskik ook oor haardroërs en plafonwaaiers.

Die kombuis in die Oudeklip-eenheid is volledig toegerus met alles wat gaste vir selfsorg benodig. Die Oudeskuur bied gerieflike en basiese selfsorgverhit-en-eetgeriewe in 'n klein kombuisie. Die sitarea het gemaklike sitplek asook 'n leeshoekie. Die Oudeklip-eenheid beskik oor 'n lieflike kaggel en die Oudeskuur-eenheid spog met 'n lekker gasverwarmer. Braaigeriewe is ook beskikbaar.

Die Ou Klipskuur-Anneks-eenheid bestaan uit 'n slaapkamer, 'n badkamer en 'n portaalarea. Die slaapkamer is ingerig met 'n dubbelbed, elektriese kombers, haardroër, waaier en 'n gasverwarmer. Die en suite-badkamer het 'n bad, wasbak en toilet. Hierdie eenheid bied gemaklike sitplek en 'n klein leeshoekie. Die eenheid beskik oor 'n kombuisie en verhittingsgeriewe.

Gaste het toegang tot gratis WiFi en veilige onderdakparkeerplek vir voertuie word aangebied.

Die kampplek is onder koeltebome met 'n groot plaasdam wat gaste kan gebruik. Daar is drie kampeerplekke en ablusiegeriewe met 'n wasbak, toilet en 'n stort met warm water. Geriewe om skottelgoed op te doen en draagbare braaigeriewe word aan gaste beskikbaar gestel. WiFi word ook vir die kampeerarea voorsien, terwyl parkeerplek onder koeltebome beskikbaar is.

Doendinge op die plaas sluit ontspanning langs die plaasdam, voetslaan- en bergfietsroetes, 4x4-roetes en voëlkyk in. Gaste kan ook die Fraserburg-omgewing verken.

Bespreek