Beskrywing

Paarl Hideaway is 'n pragtige skeepsvraghuisie wat in die hartjie van die Kaapse Wynlande, die Paarl, geleë is. Dit is op dieselfde perseel as die eienaar se huis, maar het 'n privaat ingang. Hierdie verblyf is die perfekte opsie vir 'n romantiese wegbreek, aangesien dit net 'n hanetreetjie vanaf die welige wingerde en wynplase is.

Dié oopplan-eenheid bied slaapplek aan 2 gaste en het 'n koninggrootte-bed en 'n en suite-badkamer met 'n stort, wasbak en 'n toilet. Gehaltelinne, badhanddoeke en seep word voorsien.

Die sitarea het gemaklike sitplek en die kombuisie is met 'n yskassie, mikrogolfoond, broodrooster, eetgerei, breekware en koffie- en teemaakgeriewe toegerus. 'n Lessenaar en gratis WiFi is ook beskikbaar.

Die leefarea lei na 'n welige tuin en 'n swembad. Veilige parkeerplek is beskikbaar en hierdie verblyf is ook naby winkels en restaurante.