Beskrywing

Plaaswegbreek is op 'n kleinhoewe aan die buitewyke van Deneysville in die Noord-Vrystaat. Die verblyf bied 'n luilekker plaaswegbreek vir die gesin, maar is ook ideaal vir gaste wat net vinnig wil oornag. Ons is 2 km vanaf die dorpie Deneysville waar talle winkels, restaurante en ander geriewe te vinde is.

Daar is 2 selfsorg-eenhede, 'n kleiner eenheid genaamd die Cabin, en 'n karavaan.

Chalet 1 het 'n dubbelbed en 2 enkelbeddens. Die badkamer het 'n stort, toilet en wasbak. Die oopplan-kombuis het basiese selfsorggeriewe soos 'n gasstoof, yskassie, koffie- en teemaakgeriewe, breekware en eetgerei.

Chalet 2 het 'n dubbelbed en stapelbed. Die badkamer het 'n stort, toilet en wasbak. Die oopplan-kombuis het basiese selfsorggeriewe soos 'n gasstoof, yskassie, koffie, tee, breekware en eetgerei.

Die Cabin het 3 enkelbeddens en maak gebruik van 'n privaat ablusieblok. Dit het ook tee- en koffiemaakgeriewe, braaigeriewe en basiese breekware. Daar is ook 'n braai-area.

Die Karavaan het 'n dubbelbed, kombuis en toegang tot ablusiegeriewe. Daar is ook braaigeriewe.

Daar is braaigeriewe op die plaas, asook 'n heerlike boma-area waar gaste kan kuier.