Gasvrye en vriendelike ontvangs, gerieflike verblyf, en prentjiemooi omgewing! Die verblyf was baie gerieflik, in 'n baie goed-toegeruste rondawel. Die afgelee ligging, beide van die rondawel op die plaas, maar ook van die plaas self tussen Memel en Verkykerskop, maak die vrede en stilte daar uniek in sy soort. Daarbenewens is daar panoramiese uitsigte op berge en valleie.

Goeie ervaring. Baie netjies en skoon, waarde vir geld. Vriendelike ontvangs en pragtige ligging.

Pragtige natuurskoon. Heerlik uitgerus. Elektriese kombers op die dubbelbed sou welkom gewees het. Goeie verwarmers vir die winternagte word benodig. Die verwarmers wat daar was, is nie geskik nie. Lapa is 'n heerlike songevulde vertrek, baie lekker daar gekuier en ontspan. Baie veilig, vêr gestap en die ongerepte natuur waardeer.

Rustig. Pragtige uitsig. Wonderlike geriewe. Ronderus is 'n plek waar mens nie net moet oorslaap nie. Mens behoort ten minste 'n naweek of langer daar deur te bring. Die enigste uitdaging is die pad daarheen. Moenie met 'n laaglopende voertuig daarheen reis nie!

Rustigheid en natuurskoon is 'n bonus. Nat toestande kan probleme veroorsaak vir mense met lae voertuie en geen ondervinding op gladde, nat grondpaaie nie. Die pad tussen Memel en Verkykerskop is in 'n swak toestand. Om Ronderus vanaf die Vrede-Memelpad te bereik is beter, maar daar is verskeie turfbulte wat mens se bestuursvaardighede erg beproef.