+63

Saldanha Bay View - Panorama Drive

125 resensies

Selfsorg

Spesiale Aanbod 15% af

Kry 15% af. Geldig vir verblyf vanaf 16 Mei 2025 tot 30 Nov 2025.

Kapasiteit: 18 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 33 Panorama Drive, Saldanha Bay, 7395, Wes-Kaap
Vanaf ~~R1 057~~ R899 per nag, vir 2 mense

Beskrywing

Saldanha Bay View - Panorama Drive beskik oor 4 selfsorg-eenhede. Die eenhede is hoog teen die heuwel by Saldanhabaai geleë met uitsigte oor die baai, dorp en omliggende fynbos. Daar is 'n pragtige grasperk met 'n bankie wat by die fynbos pas en 'n wonderlike uitsig. Dassies, muishonde en klein bokkies word af en toe hier gesien.

Eenheid 1 is die tweede grootste eenheid. Dit beskik oor 3 kleiner slaapkamers, en 'n groot oopplan-kombuis en -sitkamer met DStv-hotelpakket, gratis WiFi en 'n kleiner pool-tafel. Dié eenheid het 'n privaat braai-dek tussen die fynbos met pragtige uitsigte van alle kante. Dié eenheid bied slaapplek vir 6 gaste. Let op: 'n mens moet vanaf die motorhuis twee stelle trappe afklim om by die eenheid uit te kom.

Eenheid 2 is die hoofeenheid. Dit beskik oor 3 groot slaapkamers, 'n oopplan-sitkamer en -kombuis wat na 'n lieflike dek lei. Daar is pragtige uitsigte van alle kante. Die eenheid het ook 'n binnebraai, pool-tafel, DStv (hotelpakket), gratis WiFi en daar is slaapbanke in die sitkamer. Die eenheid bied slaapplek vir 6 gaste. Let op: 'n mens moet een stel trappe afklim van die motorhuis af om by die eenheid uit te kom.

Eenheid 3 is op grondverdieping. Daar is 1 slaapkamer met 'n oopplan-sitkamer en 'n kombuis-area. Die sitkamer het skuifdeure met 'n fantastiese uitsig. Twee gaste sal heerlik slaap op die dubbelbed in die slaapkamer en nog 2 gaste kan op die slaapbank slaap. 'n Ekstra matras kan ook voorsien word indien nodig.

Die Tuinwoonstel bied toegang tot 'n dek met 'n lieflike uitsig oor die baai en tuin. Die slaapkamer het 'n dubbelbed en het slaapplek vir 2 gaste. Die aparte badkamer het 'n stort en toilet. Die woonstel se kombuisie is met 'n mikrogolfoond, ketel, broodrooster en 'n tweeplaatstoof met 'n oond toegerus. Ander geriewe sluit gratis WiFi en DStv in.

Bespreek