+31

Seabreeze 10

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: 46 Iphahla Lane, Shaka's Rock, Dolphin Coast, 4399, KwaZulu-Natal
Vanaf R2 389 per nag (plek vir 6)

Beskrywing

Seabreeze 10 is 'n bekoorlike woonstel op die grondverdieping wat in 'n veilige kompleks in Shaka's Rock geleë is. Dit is ook net 300 m se stap vanaf die strand.

Dié woonstel bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koningingrootte-bed en die derde slaapkamer het 2 enkelbeddens. Die gaste in hierdie 2 slaapkamers deel die gastebadkamer met 'n bad, stort, wasbak en 'n toilet. Linne en badhanddoeke word voorsien, maar gaste moet hul eie strandhanddoeke saambring.

Die oopplan-kombuis is met 'n yskas-vrieskas, stoof, oond, mikrogolfoond, basiese eetgerei, breekware, koffie- en teemaakgeriewe, skottelgoedwasser en 'n wasmasjien toegerus. Dit lei na 'n etenstafel met sitplek vir 6 wat verder na 'n sitarea met gemaklike rusbanke en 'n slim-TV met Netflix lei. Gratis WiFi is beskikbaar.

Skuifdeure lei na 'n stoep met 'n tuin, stoepmeubels en 'n houtskoolbraai.

Gaste het toegang tot 'n gemeenskaplike swembad wat omhein is en veilig vir kinders is. Twee veilige parkeerplekke is op die perseel voor die motorhuis beskikbaar. Die motorhuis is nie vir gaste se gebruik nie.

Daar is 'n omsetter wat krag aan alles kan voorsien buiten die groot toestelle en stoof/oond.

Bespreek