+21

Shamwari Sindile

Wildsplaas

Kapasiteit: 18 persone
Geen kinders onder 12
Inkloktyd: 13:00 tot 17:00
Uitkloktyd: 11:00
Adres: Shamwari Private Game Reserve, 17 km from Paterson, 6130, Oos-Kaap
Vanaf R44 860 per nag, vir 2 mense

Beskrywing

Shamwari Sindile bied verblyf in 9 luukse, losstaande tente wat bo die omliggende bos uittroon en 'n pragtige uitsig bied. Die tente is ontwerp om intiem te wees en 'n harmonieuse eenheid met die omgewing te vorm sodat dit nie 'n impak daarop uitoefen nie. Shamwari Sindile is in die Shamwari Privaat Wildreservaat, 'n Groot 5-wildreservaat geleë. Dié reservaat is malaria-vry en is in die Oos-Kaap 85 km vanaf Gqeberha (Port Elizabeth).

Elke tent het WiFi, lugversorging, 'n telefoon wat internasionale oproepe kan maak, internasionale kragpunte, 'n privaat yskassie, haardroër, elektroniese kluis, en suite-badkamer met 'n bad en 'n stort, buitestort, kaggel en 'n sit- en eetarea. Elke tent het 'n privaat dek met 'n verhitte plonspoel en 'n sitarea onder 'n pergola.

Dié luukse tentkamp het 'n sentrale eetarea en 'n kroeg met 'n uitsig oor die reservaat. Hier sal gaste 'n groot oestafel en vuurput aantref. Die kamp het ook 'n ontvangsarea, sitarea, geskenkwinkel, 'n dek met 'n vuurput, 'n boma, ontspanningsoord en WiFi. Daar is 'n kaggel en 'n TV in die kroeg en sitarea, en nog 'n kaggel in die eetkamer.

Gaste kan wildkyk vanuit moderne, oop wildkykvoertuie wat spesiaal ingerig is vir gemak en 'n goeie uitsig bied. Die wildbewaarder bied insig en waardevolle inligting oor die area se plante- en blommeryk. Gaste kan tussen wildritte ontspan, lees, spa-behandelings geniet, swem, heerlike kos eet, 'n wild-staproete onderneem of een van die 2 Born Free Big Cat Sanctuaries besoek.

Bespreek