Beskrywing

Skoene Uit @ Hillside bied gerieflike oornagverblyf op dieselfde perseel as Hillside Gastehuis, maar is privaat en apart van die hoofeenheid. Skoene Uit @Hillside is 'n selfsorg-eenheid en daar is gratis parkeerplek onder 'n skadunet-afdak.

Dié ateljee-eenheid is geskik vir 2 gaste en het 2 enkelbeddens en 'n en suite-badkamer met 'n stort, toilet en wasbak. Die kombuis is toegerus met 'n yskassie, mikrogolf, tee- en koffiemaakgeriewe en 'n gasstoof.

Verder is daar 'n TV met Openview-kanale en HDMI-opsies vir Netflix en Disney+. Gaste moet hul eie aanmeldbesonderhede gebruik. Gratis WiFi is beskikbaar. Daar is alternatiewe krag beskikbaar tydens beurtkrag wat die WiFi en sekuriteitskameras aandryf. Sonkragligte is geïnstalleer om die erf te verlig.

Buite is daar 'n patio met sitplek en braaigeriewe. Hierdie eenheid is die ideale oornagplek vir gaste op pad na hul bestemming of gaste wat die besonderse dorp vir 'n paar dae wil besoek.