Beskrywing

StyweLyne Accommodation is in Suiderstrand, L'Aghulas, in die Aghulas Natuurreservaat en bied gehalteverblyf aan 'n paartjie of enkelreisiger. Dis naby winkels, restaurante, die strand, doendinge en trekpleisters.

Dié eenheid beskik oor 1 kamer met 'n dubbelbed en 'n privaat badkamer met 'n stort, toilet en wasbak. Daar is ook 'n TV met sekere DStv-kanale in die kamer.

Die kombuis is toegerus met 'n tweeplaatstoof, oondjie, yskas-vrieskas, mikrogolf, tee- en koffiemaakgeriewe, eetgerei en breekware.

Die leefarea het gemaklike sitplek en daar is gratis WiFi.

Braaigeriewe en veilige parkeerplek is op die perseel beskikbaar.

Dis die ideale visvangbestemming vir kabeljou, galjoen, steenbras en poenskop. Daar is ook voetslaanroetes as gaste die omgewing te voet wil verken.