+24

Summer Lodge Villa 2

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: 2 Foster Road, Uvongo, Margate, 4270, KwaZulu-Natal
Vanaf R780 per nag (plek vir 4)

Beskrywing

Summer Lodge Villa 2 is een van 6 villas wat 'n tropiese wegbreek in Uvongo bied. Die kompleks is goed omhein en bied maklike toegang deur die welige tuin en met 'n trap tot die Uvongo-hoofstrand.

Die villa bied slaapplek aan 4 gaste en beskik oor 2 slaapkamers, 2 badkamers, 'n kombuis, 'n leefarea en 'n gemeenskaplike swembad. Die hoofslaapkamer het 'n koningingrootte-bed, direkte toegang tot die stoep en 'n en suite-badkamer met 'n bad, stort, toilet en 'n wasbak. Die tweede slaapkamer het 2 enkelbeddens en 'n en suite-badkamer met 'n stort, toilet en 'n wasbak.

Die oopplan-kombuis is met 'n yskas-vrieskas, stoof, oond, mikrogolfoond, skottelgoedwasser, eetgerei, breekware en tee- en koffiemaakgeriewe toegerus. In die leefarea is daar 'n etenstafel met stoele, 'n sitkamerstel en 'n platskerm-TV met OpenView. Die leefarea lei na 'n stoep met 'n uitsig oor die gemeenskaplike swembad en die gemeenskaplike braai-area. Veilige parkeerplek is op die perseel beskikbaar.

Die Pavilion-restaurant met 'n uitsig oor Uvongo bedien heerlike maaltye. Onder die restaurant is daar 'n wegneemetewinkel, roomyswinkel en strandklerewinkel. Ander besienswaardighede sluit talle rotspoele, wat van Uvongo-strand tot Lucien-strand strek, en die visvangpier op die rand van die strand in.

Bespreek