+24

Summer Lodge Villa 2

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: 2 Foster Road, Uvongo, Margate, 4270, KwaZulu-Natal
Vanaf R780 per nag (plek vir 4)

Beskrywing

Summer Lodge Villa 2 is een van 6 villa's in 'n tropiese wegbreek in Uvongo. Die eiendom is goed omhein met maklike toegang deur die welige tuine na die hoof Uvongo-strand via trappe wat af lei.

Dié villa het slaapplek vir 4 gaste en beskik oor 2 slaapkamers, 2 badkamers, 'n kombuis, 'n leefarea en 'n gedeelde swembad. Die hoofslaapkamer het 'n koningingrootte-bed met direkte toegang tot die patio. Dié slaapkamer se en suite-badkamer het 'n bad, stort, toilet en wasbak. Die tweede slaapkamer het twee enkelbeddens en 'n en suite-badkamer met 'n stort, toilet en wasbak.

Die oopplan-kombuis is toegerus met 'n yskas-vrieskas, stoof, oond, mikrogolf, skottelgoedwasser, eetgerei en breekware, asook tee- en koffiemaakgeriewe. Daar is 'n etenstafel met stoele waar gaste hul maaltye saam kan geniet en die leefarea het 'n sitkamerstel met 'n platskerm-TV. Hierdie eenheid het 'n OpenView-dekodeerder. Hierdie sitarea maak oop op 'n patio wat oor die gedeelde swembad en die gemeenskaplike braai-area uitkyk. Veilige parkeerplek is op die perseel beskikbaar.

Die Pavilion-restaurant wat uitkyk oor Uvongo, het buiten lieflike uitsigte ook heerlike kos. Onder die restaurant is 'n wegneemetewinkel, roomyswinkel en strandklerewinkel. Ander besienswaardighede sluit talle rotspoele in wat strek van Uvongostrand tot Lucienstrand en die Visvangpier op die rand van die strand.

Bespreek