The Franklin Loft Apartment 1512

Beskrywing

The Franklin Loft Apartment 1512 is 'n moderne selfsorgwoonstel in die Franklin-gebou in Johannesburg. Hierdie stylvolle woonstelle is ruim en bied gemak en privaatheid.

Die woonstel het slaapplek vir 2 gaste op 'n dubbelbed en daar is 1 badkamer, 'n oopplan-kombuis en -leefarea. Die ruim badkamer het 'n bad, instapstort, toilet en 'n wasbak.

Die kombuis is met 'n Nespresso-koffiemasjien, tee- en koffiemaakgeriewe, 'n stoof, yskas-vrieskas, mikrogolf, eetgerei en breekware toegerus en die eetarea het sitplek vir 2 gaste. Die sitarea het gemaklike rusbanke, 'n Bluetooth-klankstelsel en 'n platskerm-TV met sekere DStv-kanale. Vinnige WiFi is ook beskikbaar.

Ander geriewe sluit 24 uur-sekuriteit, veilige onderdakparkeerplek, 'n ruim gimnasium, 'n Jacuzzi, en 'n conceirge wat met gaste se versoeke en vrae kan help in.

Daar is 'n aantal restaurante, koffiewinkels, kroeë, nagklubs en teaters in die area, asook 'n Woolworths as jy eerder self wil kos maak. Die woonstelle het 'n gerieflike ligging naby verskeie hoofkantore vir gaste wat sake-aangeleenthede in die sakekern moet bywoon.