+30

The Pecan Lake Guesthouse

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 6 Cormorant Drive, Pecanwood Golf Estate, Hartebeespoort, 0216, Noordwes
Vanaf R7 000 per nag (plek vir 10)

Beskrywing

The Pecan Lake Guesthouse is op Pecanwood Golf Estate geleë en is 'n toevlugsoord wat luukse en weelderige veblyf tussen die natuurskoon bied. Dit is op die oewer van 'n meer geleë en het 'n rustige atmosfeer. Die majestueuse Magaliesburg-berge vorm die agtergrond van hierdie veblyf.

Dié eksklusiewe selfsorg-vakansiehuis bied slaapplek aan 10 gaste en beskik oor 5 smaakvol gemeubileerde slaapkamers wat elk 'n en suite-badkamer het. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en 'n toilet. Die tweede, derde, vierde en vyfde slaapkamer het elk 'n koningingrootte-bed en 'n en suite-badkamer met 'n stort, wasbak en 'n toilet. Linne en badhanddoeke word voorsien.

Die oopplan-leefarea beskik oor 'n volledig toegeruste kombuis, eetarea en 'n sitarea. Die kombuis is met 'n yskas-vrieskas, stoof, oond, mikrogolfoond, eetgerei, breekware, Nespresso-koffiemasjien, skottelgoedwasser, wasmasjien en 'n tuimeldroër toegerus. Die kombuis het 'n eiland met stoele, en lei na 'n ruim sitarea met sitplek en 'n TV met DStv. Daar is ook 'n kaggel, en gaste het toegang tot gratis WiFi.

Die leefarea lei na 'n stoep met buitesitplek en bied direkte toegang tot 'n swembad. Hiér kan gaste ontspan en die omgewing geniet.

Bespreek