+43

Tortuga

Selfsorg

Gratis kansellasie tot 1 week voor jou verblyf!
Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 33 Swallow Drive, Sedgefield, 6572, Wes-Kaap
Vanaf R1 000 per nag (plek vir 3)

Beskrywing

Tortuga is in die pragtige dorpie Sedgefield geleë en bied gerieflike selfsorgverblyf met 'n welige groen tuin wat ryk is aan voëllewe. Dit kan 'n ideale opsie wees vir gaste wat die skilderagtige Tuinroete wil verken en dit is net 2 km vanaf Myoli-strand geleë.

Hierdie eiendom bied gaste 'n keuse van óf 'n huis met slaapplek vir 6 óf 'n woonstel met slaapplek vir 3. Die huis beskik oor 3 slaapkamers, waarvan 2 ingerig is met 'n koningingrootte-bed elk en een met 2 enkelbeddens. Dié eenheid het 2 badkamers asook 'n gastetoilet. Die woonstel het 1 badkamer, 1 slaapkamer met 'n koningingrootte-bed en 'n slaapbank in die sitkamer. Alle linne en badhanddoeke word voorsien.

Elke eenheid het 'n leefarea met 'n kombuis wat toegerus is met kookgeriewe asook 'n knus sitkamer met gemaklike sitplek en 'n TV met 'n Smart box. Toegang tot gratis WiFi is op die perseel beskikbaar. Albei eenhede is aan 'n sonkragstelsel gekoppel met 'n rugsteunbattery om die ligte, TV en Wi-Fi aan te hou tydens beurtkrag. .

Die hoofhuis beskik oor 'n bedekte houtdek met gemaklike hangstoele, 'n buite-etenstafel en 'n Weber-braai. Alle gaste het volle toegang tot die pragtige tuin wat 'n ideale plek is vir 'n oggendkoffie terwyl hulle na die voëls luister.

Die ligging van hierdie eiendom is binne maklike bereik van die middedorp wat talle restaurante en kruidenierswinkels bied. Gaste kry veilige parkeerplek agter 'n afstandbeheerde hek op die perseel.

Bespreek