Beskrywing

U-Stay is 'n lieflike ateljee-woonstel in 'n rustige woonbuurt in Queenstown, Pretoria. Die woonstel het sy eie ingang en is ideaal vir reisigers wat op soek is na oornagverblyf op pad na hul bestemming.

Die slaapkamer het 'n dubbelbed, klerekas, plafonwaaier en TV. Die badkamer het 'n stort, toilet en wasbak. Linne en handdoeke word voorsien.

Die kombuisie is met 'n yskassie, mikrogolfoond, elektriese braaipan, 'n ketel, broodrooster, eetgerei en breekware toegerus. Veilige parkeerplek, braaigeriewe en WiFi is op die perseel beskikbaar.

Die woonstel is sentraal geleë naby die N1, Pretoria se Botaniese Tuin, Gautrein, die Urologiese Hospitaal en baie winkelsentrums en restaurante in die area.