+15

Uitwyk Umdloti Beach House

1 resensie

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 00:00
Uitkloktyd: 10:00
Adres: 5 North Beach Road, Umdloti, 4330, KwaZulu-Natal
Vanaf R4 250 per nag (plek vir 8)

Beskrywing

Uitwyk Umdloti Beach House is 'n pragtige selfsorgvakansiehuis in die hartjie van Umdloti. Dit is 'n wonderlike opsie vir 'n gesin of 'n groep vriende wat 'n wegbreek aan die Dolfynkus soek, aangesien gaste die ritmiese klanke van die branders en die sout seebriesie sal kan geniet.

Hierdie eiendom bied gerieflike slaapplek vir altesaam 8 volwassenes en 'n baba, want dit beskik oor 4 slaapkamers, 2 badkamers en 'n gastetoilet. Die hoofslaapkamer is ingerig met 'n koninggrootte-bed en 'n dubbelslaapbank. Dié kamer het 'n en suite-badkamer met 'n bad en 'n stort. Die tweede slaapkamer het 'n koningingrootte-bed en die derde slaapkamer het 'n dubbelbed. Daar is 'n bababed beskikbaar in die vierde slaapkamer. 'n Bad en stort is beskikbaar in die tweede badkamer.

Die oopplan-leefarea beskik oor 'n kombuis wat volledig toegerus is met 'n stoof, oond, lugbraaier, mikrogolf, yskas-vrieskas, eetgerei en breekware asook 'n ontbyttoonbank met stoele. Vanuit hierdie kombuis lei 'n knus sitkamer met gemaklike sitplek en 'n TV. Toegang tot gratis WiFi is beskikbaar. Langs hierdie sitkamer is 'n eetarea waar gaste hul maaltye saam kan geniet.

Deur die skuifdeure is 'n sonnige patio met 'n sithoekie, 'n buite-eettafel en braaigeriewe wat die perfekte plek is vir gaste om 'n tydjie saam te geniet terwyl hulle die see-uitsigte bewonder.

Bespreek