Terug na my kindertyd op die plaas, heerlike ontlading. Ons is gek oor die Kliphuis. Jy moet lief wees vir die plaaslewe, nostalgies kan raak oor ons erfenis en waardering vir outydse gasvryheid. Die gasheer is 'n lekker geselsmens en ontsien geen moeite. Ons kom gou weer.

Lekker roete om te ry oor Kamiesberg, stilte en pragtige natuurskoon. Dit was heerlik. Die skape so naby het 'n rustige gevoel geskep en ons vermaak. Die ougoed het nostalgie aangewakker soos wat die onthou teruggekom het van ouers en grootouers. Die Vader se skepping stem mens tot waardering en dankbaarheid.

Skoon fasiliteit met alles wat benodig was vir selfsorg. Dit was 'n aangename ervaring en die bestuurder het goeie kennis van die algemene omgewing.

Mooi ligging maar baie duur vir wat mens kry. Ons het die Kliphuis bespreek en betaal daarvoor, en te laat is ons in kennis gestel dat dit reeds vol was toe ons daar gearriveer het. Al die ander besprekings wat ons nog by die webtuiste gemaak het, was daar kontak gemaak met ons voor die aankoms, nie in hierdie geval nie. Ons moes die webtuiste bel om instruksies te kry oor hoe om daar te kom. Ons was teleurgesteld en kon niks hieraan doen nie, want dit was al klaar na 7 in die aand. Ons het in Letjie gebly. Alles was skoon, maar ons voel julle tariewe is te hoog vir die geriewe wat julle aanbied. Die ligging is pragtig, as julle nou net meer aandag kan gee aan die dekor en toestelle wat nie alles in werkende orde was nie.

Pragtig geleë met toegang tot verskeie stap- en voertuigroetes vir blommekyk. Huisie pragtig ingerig met al die nodige geriewe. Heerlik stil met net die skape se geblêr in die nag. Salige wegbreek van moderne euwels soos WiFi en krag.

Rustig en stil by die Kliphuisie op die plaas met die geblêr van skape. Dit was baie aangenaam na 'n lang dag op die pad.