+17

Winelands Golf Lodges 9

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Strand Road, De Zalze Golf Estate, Stellenbosch, 7599, Wes-Kaap
Vanaf R2 300 per nag (plek vir 2)

Beskrywing

Winelands Golf Lodges 9 is 'n knus selfsorgeenheid op die pragtige De Zalze Gholflandgoed in die hartjie van die Stellenbosch Wynlande geleë. Dit is ideaal vir 'n naweekwegbreek terwyl gaste 'n uitsig oor die landgoed kan geniet.

Dié eenheid op die eerste verdieping bied slaapplek aan 2 gaste en beskik oor 'n slaapkamer met 'n en suite-badkamer. Die slaapkamer het 'n koninggrootte-bed en 'n badkamer met 'n bad en 'n stort. Alle linne en badhanddoeke word voorsien, maar gaste moet hul eie swemhanddoeke saambring.

Die helder en lugtige oopplan-leefarea het 'n kombuis wat met 'n stoof, oond, mikrogolf, yskas-vrieskas, koffiemasjien, eetgerei en breekware toegerus is. Daar is ook 'n etenstafel wat sentraal geleë is. Die kombuis lei na 'n sitarea met gemaklike sitplek en 'n TV met die volle DStv-pakket. Gratis WiFi is beskikbaar.

Die leefarea lei na 'n stoep met 'n tafel en stoele, sowel as 'n Weber-braai. Dié stoep is die ideale plek vir 'n beide 'n oggendkoffie en skemerkelkie, terwyl gaste 'n uitsig oor die swembad kan geniet.

Bespreek