Beskrywing

Wood Owl Cottage beslaan die onderste vlak van die eienaar se woning en is geleë in 'n mini tropiese tuin net 500 m vanaf Southbroom se hoofstrand.

Dié ruim woonstel het slaapplek vir 2 gaste en beskik oor 1 slaapkamer, 1 badkamer, 'n kombuis en 'n leefarea. Die slaapkamer het 'n koninggrootte-bed en oorgenoeg kasspasie. Die en suite-badkamer wat oor die tropiese tuin uitkyk, het 'n bad, stort, toilet en wasbak. Linne en badhanddoeke word ook voorsien.

Die oopplan-kombuis is toegerus met 'n yskas-vrieskas, stoof, oond, mikrogolf, skottelgoedwasser, wasmasjien, eetgerei en breekware, asook 'n Nespresso-koffiemasjien.

Gaste kan hul maaltye by die etenstafel geniet en hierdie area strek verder na die sitkamer wat met 'n sitkamerstel gemeubileer is. Daar is 'n platskerm-TV met Netflix geïnstalleer en gratis WiFi is ook beskikbaar. Die glasstapeldeure maak oop op die patio en swembad waar gaste op 'n warm dag kan afkoel. Veilige buiteparkeerplek is beskikbaar met balke en 'n omtrekalarm.

Die South Coast Mall en Shelly Centre is naby geleë en die Southbroom Tennisklub is ongeveer 1,5 km ver. Die Southbroom 18 putjie-gholfbaan is net 700 m weg met 'n restaurant op die perseel.