+32

Zebra Farmhouse

8 resensies

Selfsorg

Gratis kansellasie tot 24 uur voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Zebra Farm, George District, George, 6530, Wes-Kaap
Vanaf R3 400 per nag, vir 8 mense

Beskrywing

Zebra Farmhouse is op 'n kommersiële plaas geleë waarop die Van der Westhuysen-gesin al vir 7 generasies boer. Dié plaas is halfpad tussen George en Oudtshoorn in die Klein-Karoo teen die Outeniekwaberge geleë. Dit is ideaal vir toeriste wat die area wil verken of vir 'n wegbreek vir 'n gesin of groep vriende.

Die plaashuis is in 1870 gebou en is ten volle toegerus. Die huis is tot sy volle eer gerestoureer met geelhoutvloere en dennehoutvensters, -deure en -plafonne. Die huis het Kaapse antieke meubels wat al vir dekades aan die familie behoort.

Die huis word as geheel uitverhuur. Die huis beskik oor 3 slaapkamers en het slaapplek vir 8 gaste. Die hoofslaapkamer het 'n koninggrootte-bed en 'n en suite-badkamer met 'n bad en 'n stort. Die tweede slaapkamer is 'n gesinskamer en het 2 enkelbeddens, 'n skakelkamer met 2 enkelbeddens, en 'n en suite-badkamer met 'n stort. Die laaste slaapkamer het 2 enkelbeddens en 'n en suite-badkamer met 'n stort.

Die outentieke kombuis is met 'n stoof, oond, yskas, skottelgoedwasser, mikrogolfoond, koffie- en teemaakgeriewe, eetgerei en breekware toegerus. Die sitkamer het gemaklike sitplek.

Daar is 'n lieflike patio met 'n uitsig oor die plaas en daar is braaigeriewe.

Die plaas bied 'n verskeidenheid doendinge, soos varswatervisvang, voetslaan, bergfietsry en om die unieke Karoo-fauna en -flora waar te neem.

Besienswaardighede sluit die Kangogrotte, die Gamkaberg Natuurreservaat, Schoemans Poort, die Montagu-pas, The Goose Wynlandgoed, Karusa-wingerd, Herold Wines en verskeie gholflandgoedere, soos die 3 Fancourt Gholfbane, insluitend The Links by Fancourt, Montagu en Outeniekwa, en die Kingswood Gholflandgoed en George Gholfbane in. George, Mosselbaai en Knysna se Tuinroete-area is maklik bereikbaar.

Bespreek